Ahli sunna val-jamoa mazhabi asosida pok aqiyda va musaffo Islomga intilish, Qurʼon va sunnatni oʻrganib, amal qilish, islomiy maʼrifat taratish, salafi solih — ulugʻ mujtahidlarga ergashish, kengbagʻirlik va birodarlik ruhini tarqatish
Husaynxon qori Yahyoxon oʻgʻli 1981-yilda Andijon shahrida tavallud topgan.
Ilk diniy taʼlimni otasi Yahyoxon qoridan oʻrganib, 13 yoshida Qurʼoni Karimni toʻliq yod olgan.
2003-yili Eron Islom Respublikasida boʻlib oʻtgan xalqaro Qurʼon musobaqasida qatnashib, yurtimiz shaʼnini himoya qilgan.
Oʻzbekiston Musulmonlari idorasi tomonidan oʻtkazilgan 20-Qurʼon musobaqasining Respublika bosqichida faxrli birinchi oʻrinni olgan.
2008-2012 yillarda Imom Buxoriy nomidagi Toshkent Islom institutida tahsil olgan.
2008-2015 yillar davomida fazilatli Shayx Muhammad Sodiq Muhammad Yusuf hazratlaridan taʼlim olib, bir necha ijozalar olgan.
2016-yili Toshkent davlat sharqshunoslik institutining tarix fakultetini bitirgan.
Shayx Muhammad Sodiq Muhammad yusuf boshchiligidagi «Oltin silsila» hadislar toʻplami tahririyatining aʼzosi, Islom.uz portalining ilmiy kengash aʼzosi, Quran.uz saytining ilmiy rahbarlaridan biri.
Husaynxon qori koʻp yillar yurtimiz masjidlarida taroveh namozlarida Qurʼoni Karimni xatm qilgan.
Hozirda Misr Arab Respublikasida tahsil olmoqda.
Ustozimiz Husayn Buxoriyga qarashli rasmiy sahifalar deyarli barcha ijtimoiy tarmoqlarda faoloiyat yuritib kelmoqda. Telegram, Instagram, Facebook, YouTube, Tik tok, Umma Life, turli audiosahifalar, jumladan, Apple podcast, Google podcast , Spotify, Yandex Music shular jumlasidan.
Mazkur sahifalarga ustozimiz tomonlaridan qilingan suhbatlar, intevyular, kitoblar sharhlari va boshqa ilmiy, ommabop suhbatlar joylangan, joylab kelinmoqda.
Sizda savol tug'ilishi mumkin. Yuqoridagi sahifalar bo'lsa, ularning har biriga ma'lumotlar joylab borilayotgan bo'lsa, bu veb sahifa nima uchun ishlandi?
Keling, qisqacha javob berib o'tamiz.
Ushbu sahifa asosan tolibi ilmlar, boshqa ishlarga chalg'imay suhbatlarni diqqat bilan eshitishni istaganlar uchun tayyorlandi.
Misol uchun, YouTube da biror video tomosha qilayotgan paytingizda reklamalar chiqishi yoki shunchaki videoni ko'rish davomida siz turgan sahifada boshqa videolar ham chiqib, sizga ko'rinib xayolingiz, e'tiboringizni bo'lishi mumkin.
Ushbu sahifamizda esa bu narsaga duch kelmaysiz. Biror suhbatni tomosha qilayotgan paytingizda atrofda boshqa videolar chiqib turmaydi, reklamalar ham yo'q, e'tiboringizni bo'lmaydi. Faqat siz tinglayotgan suhbatning keyingi yoki avvalgi qismlari yoki shunga o'xshash ustoz tomonlaridan qilingan boshqa suhbatlar ko'rinishi mumkin.
Kelgusida, veb-sahifamiz doimiy yangilanib borilishi, zamon talabiga ko'ra qo'shimcha qulayliklar, afzalliklar qo'shilib, yangiliklar bilan boyitib borilishi niyat qilingan.
Qisqa qilib aytganda, mazkur veb sahifa ilm bilan jiddiy shug'ulanaman degan toliblar, ilm muhiblari uchun ayni muddao bo'ladi, deb umid qilamiz.
